Plantun de Prouvènço

Pèr coumpara dos planto d'encò nostre

Astragalus penduliflorus & Mentha suaveolens

Astragalus penduliflorus

Fabaceae Leguminosae

Nom en français : Astragale à fleurs pendantes.

Descripcioun :
Lou cese-fèr-di-flour-penjadisso se rescontro sus li tepiero roucaiouso de mountagno séusouso. Fai de poulìdi flour jauno que pendoulon lèu, en grapo de 5 à 12, pourtado pèr un pecou mai long que li fueio proche. Lou "calice" èi pelous de péu negre emé de dènt proun courteto. Se recounèis tambèn à si dóusso ventrudo cuberto de péu negre peréu.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Port : Erbo
Taio : 20 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Astragalus
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : 5
Ø (o loungour) flour : 20 à 30 mm
Flourido : Estiéu

Sòu : Si
Autour basso e auto : 1600 à 2700 m
Aparado : Noun
Juillet à avoust

Liò : Tepiero roucaiouso - Baus - Esboudèu
Estànci : Subaupen
Couroulougi : Ouroufito-Sud-Éuropenco
Ref. sc. : Astragalus penduliflorus Lam., 1779

Mentastre

Mentha suaveolens

Lamiaceae Labiaceae

Àutri noum : Baume-fèr, Mento-sóuvajo.

Noms en français : Menthe à feuilles rondes, Menthe odorante.

Descripcioun :
Lou mentastre es uno mento coumuno dins quàsi touto la Prouvènço. Se recounèis à sis lònguis espigo de flour blanco que viron au brun e peréu à si fueio quasimen redouno e goufrado.

Usanço :
Coume tóuti li mento, èi manjadis cru (ensalado, soupo, dessert, bevendo..) o en tisano. Ei counseia de pas trop faire caufa la tisano de mentastre que soun essènci èi voulatiéu. La mento èi vertuouso pèr digeri, sougna li plago e pèr faire fugi la tavaniho.